Lisse
par minloute le, 24/12/2006ché un tchiot bout d' femme, cale vient al' mason d' em mère, ché , selon l' terme officiel, "eune auxyaire ed vie" , savez ale s occupe ed faire à minger au matin et au soir
ale est del campane, qu ale n a gardé sin patois
un tchiot bout d' femme toute simpe, énergique, gentile, qu ale devro et' aussi remboursée par l' sécurité sociale
in tout cas , j' me diso, j' sais qu ale do pas gagner des mille et des cents, mais cha l' empeche pas d' courrir toute el journée, d' personne agée à personne agée, pour faire so l' ménache, so faire à minger
ché pour elle un salaire ed complément pour arrondir ché fins d' mos
bin franch'mint , j' trouffe que sin salaire i correspond pas à c' qu ale fait
mi j a jamais été vire un psy, mais i parait que cha buque quand meme in terme d honoraires
bin Lisse, elle , tout in faisant à minger, ale apporte l' gaité, l' discussion
ché un rayon d' solel qui passe comme cha deux fos dinl' journée et à vire l' bonheur qu ale apporte à ché gins du qu ale va , ale devro et' payée bin plus cher
pi , c' qui gache rin, j a vraimint ker parler patois à deux, deux vrais babelles mes gins ...