l' déménag'mint 2
par minloute le, 24/12/2006en fin d' aprés midi , chéto claqué , l' ancienne mason vidée et l' nouvelle rimplie à ras bord..... l' gamine récupérée inter temps à l école ....
mais cha a été dirigé par eune main d' maite, eul' mienne ....
bon vous dire qu in éto en pleine forme, et que tout allo pour le mieux cha s' ro eune cacoule
d abord i faijo fro dinl' mason, in s in n l' avo pas armarqué tout d' suite, en fait y avo qu' ché radiateurs du haut qui cauffottent mais ceux du bas, rin ..... bin aglaglac mes gins
bon ale a voulu aussi met' in route ech gasse, impossipe à faire marcher ......
et pi savez dans ché premiers temps t a qu eune phrase dint' bouque " t as pas vu chi, t as pas vu cha "
l' lend'main matin, grand mère ale a ap'lé ch' gasse pour qui viennent l' arbrancher , pi aprés ale appelle l ancien propriétaire pour li dire que ché radiateurs cha marchent pas, li y a dit qui passo tout d' suite, en fait chéto des fusipes qui étotent arbaissés pi là grand mère ale li dit qu ale a app'lé ch' gars du gasse , et là i va dinch' garache et i ouffre eune vanne qu ale éto au bout , ché eune vanne ed sécurité, grand mère ale a vite app'lé gaze edfrance pour qui viennent te pas, ale avo peur qui so djà parti mais là j a dit à grand mere , l' gasse ché nin les zurgences, in fait ch' gars i éto pas cor parti et cha faijo bin deux zheures qu ale les avo applé .....
j a dit qu in s éto jamais engueulé et ché vrai meme que, oh ché vrai j a fait eune con'rie mais savez j avo tel' mint d' trucs à busier, à organiser, à diriger que ché vrai qu ale m avo dit d artirer l' plaque qu in avo sul' boite à lettes et d' l armette dins l' nouvelle mason, bin i m a fallu tro jours pour l artrouver, mais in s est pas ingueulé, mi j cro aussi qu en fin d' compte ale éto tel'mint abasourdie par m' n efficacité qu ale a meme pas pinsé à artrouver sin mauvais coté, le mauvais coté des garnoules, ché à dire toudis raler......