ech' carrieu ed' carbon
par HECQUEFEUILLE le, 27/12/2006ej' m'in rappelle quand j'éto gosse ech'marchand ed'carbon y passot avec sin bidet blanc
y ballot ech carbon devant l'porte, chétot du fin comme min père disot et pi in l'rintrot al'brouette in bos, y fallot traverser tout l'mason parc'que y avot des masons ed chaqu' coté, mais avant cha y fallot séparer chés raccourches dech'carbon pour les impiler ind'sous d'ech rabattu pour les faire séquir et in s'in servot pour allumer ech'fu.
Mais après chés fosses y z'ont investi dins un camion pour livrer ech'carbon y avot plusieurs compartiments, comme cha ech'chauffeur y fésot plusieurs masons mais dù qui est tout ch'temps là ?
in vivot mieux in parlot pas ed'chomage comme achteur et in savot travailler ed'nos mains, in n'avot pas d'auto comme achteur, et chétot pas plus mal
bon à l'arvoyure mes gins