y'étot immense
par annie62110 le, 28/12/2006au printemps 1966, des amis d'mes parints m'ont proposé d'aller vire quelqu'un avec eux sans m'dire qui
comme li y'étot journaliste à Nord Matin, et que j'savo qu'y'étot in reportache l'curiosité al'a importé et aprés avoir pris m'copine au passache nous v'la partis à quatre
in a roulé au moins eune bonne heure et in a fini par s'arrêter sur eune plache à Bonsecours et j'ai compris quand j'ai vu in grand sur un café
"AU GEANT ATLAS "
in savot qui ch'étot, in l'avot vu al'télévision dins trente six chandelles avec Jean Nohain, sin prénom chétot Fernand, in a d'abord eu affaire à s'maman un tiot bout d'rien du tout, in s'deminde méme commint al a fait pour avoir un infant aussi grand
quand j'l'ai vu tourner l'coin du comptoir, j'ai été saisie, y'étot pas grand y'etot immense, mi avec min mètre soixante, je m'sinto minus, y'avot des pieds et des mains démesurées, j'peux pas dire qu'y éto biau j'mintiro, mais y compinsot tout cha par un biau sourire
in n'a pu l'vire à loisir l'temps qui s'faigeot interviewer, et mi j'avo r'marqué qu'a'ch mur du café chéto plein d'porte clés, comme dins min sac j'avo eune tiote carte ed france in argent montée in porte clé , j'ai décidé d'y offrir, quand j'y ai mis l'tiote bricole dins s'grande main, y'etot contint comme un gosse, et mi ché l'souv'nir que j'garde ed li un homme comme les zautres contint d'archevoir un cadeau !!
Hier Annie nous a parlé d'ech'ti qu'on app'lot "euch Géant Atlas". Y étot aussi avec Jean Nohain à ch'l'émission
"Reine d'un Jour" dù c'que des jones filles venottent s'présinter, et expliquer un voeux.
Cheulale qui étotent élues et sacrées Reine d'un jour , ché euch' Géant Atlas qui l'prenot din ses bras pour el mette such' trone et sin voeux yétot exaucé.
Je n'ai bien connu eune des reines , Jacqueline H dech'Pacault d'Hinches. Es'Mére ale étot veufe avec dichs éfants, leu maison étot arconstruite aprés la guerre,(ale avot été bombardée) mais y avotent pas d'sous pour chés vitres donc l'maison n'étot pas habitape , eh ben grâce à ch'l'émission là cha a pu s'faire, et y avot aussi des cadeaux utiles , pas du luxe com ast'heure pour chés "Miss France" qui sont pas des indigeantes!
( 1 photos)