Les jardinsch' plumier
par potié vital le, 28/12/2006Chétot au 3 d'Vermelles dins l'classe d'fin d'étutes, in avot entre 11 et 14 ans, y avot 2 cours, chétot l'classe du directeur d'l'école.
In avot core des encriers et des portes plumes, les bic chétot interdit. l'Francis pendant ch'cours y avot mis un bout d'fichelle au bout d' sin porte plume et y l'trimpot dins l'incrier
mi j'éto assis à coté d'li j'ai tout vu
Ch'directeur y vot cha y s'ramène vite fait à note tabe, y print sin plumier au francis et y li fracasse su s'tête
Cha fait craaac! l'Francis sin menton y a claqué su l'tab et pis pu rien y bougeot pu .
faut dire que ch'plumier chétot un à 2 étaches et que à l'époque l'qualité ch'étot meilleux .
y a eu un grand silence dins l'classe pendant un momint et pis l'Francis y a arvénu à li et cha été tout !
in a gardé cha pour nous cha n's'a pas su, comme quoi quand in est jeune y a des choses qu'in n'dit pas même intre nous.
ché marrant comme in lisant les histoires des zautres, ché souv'nirs y r'viennent
mi min dernier plumier à deux zétages, ché m'grand mére qui me l'avot ram'né d'Lourdes et avec y'avot un porte plumes du qu'in pouvot vire par un tiot tro des zimages de l'Ste Vierge et d' Bernadette, ch'porte plumes y'etot blanc
