l' photo d' frette
par minloute le, 01/01/2007j va n in decevoir eune paire, vous verrez pas l' photo d' frette , là y est puni, y a ses mains sus' tiete et y est au coin
marie claire , grand coeur, ale avo in projet d' li acater eune mobylette, nan pas pour aller au traval, mais pour l' site, comme cha y auro pas à pédaler
bien hier au soir , y a pas été sache, i a prétesté qui avo mau as' main pour pas grimper such' vélo et faire marcher ch' site
bon ché vrai , i s a coinché s' main y a eune s' maine , faut dire qui avo pas cor bin l habitute d'attraper ché poubelles, et comme chéto sin premier noel, i a attrapé ché poubelles au matin comme i faijot toudis, mais malheureux ! té savo pas qu' t allo trouver des tonnes ed coquiles d huites, et qu' ché gins i zin mettent dins ché poubeles l' lend'main del fete ... bon ché vrai i avo eune main qui auro pu juer dans l' flime éléphante mane , mais comme ale dit marie claire , cha l impécho pas d' grimper sul' selle et d' pédaler
rin à y faire , i a fait s' tiete, meme quand qu ale y a promis qui auro s' dringuelle ch' matin, nan, tétu qui a resté, et bin marie claire ale li a dit, bin reste dins tin coin
donc si aujourd hui voyez que ch' site i rame un peu, soyez indulgents, ché marie claire qu ale pédale et ale a moins l habitute
et vous voudriez aprés qu in vo l' tiete à frette ! bin nan, pi inter nous, mi j a vu s'tiete eune paire ed cops sur des photos, mais mi à vot' plache j' arret'ro d' deminder cha, j la djà dit , l' premier coup que j a vu l' photo d' marie claire et frette à coté, j a cru qu' marie claire ale avo pris l' photo au musée grévin, tel' mint que j avo pris frette pour landru, savez ch'ti qui a un argard qui fait peur derriere un bouc tout noir , bin ché frette
quant ale photo ed marie claire et mi, nous in a déchidé d' faire du miléne fermière, savez , faire vire es guiffe l' moins possipe, pour que tous nos fanes i restent toudis frustrés , et pourtant nous in n a ni compiles ni collectors, ni tournée filmée in cd à vous vinte, nous in vous vint rin , in donne