ch' boucher à lou marcel
par minloute le, 01/01/2007quand que j a été raviser ché zoraires ed bus, j' m a approché del bouch'rie que lou marcel i connaisso, ou plutot qui connaisso ch' fils du boucher
quand que omer y éto in fin d' carriere, cha correspondo au devl'op'mint d' à mon cora, cha a été eune fin des zabitutes des ménagères , ménagères qui restotent al' mason et qui passotent eune bonne partie del'matinée à aller ché ch' boulanger, pi ché ch' boucher , pi à la coop, pi ché ch' marchand d' légueumes
quand qui a pris s' retraite, ché sin fils qui a pris l' relais, i resto boucher mais i faijo aussi traiteur, i a cangé l' d'vanture mais c' qui a étonné ché gins, et j' diro pas dans l' bon sens, pasque ché gins chéto plutot des personnes qui cuisinotent du traditionnel, ché qui a comminché à vinte du r'quin et d' l autruche.... alors meme si chéto surtout pour s' n activité traiteur, cha a plutot surpris ché gins mais du genre ché pas sérieux , eh ouais in va pas faire un rassacache ed r'quin ou d autruche, et pourtant mi j a eu l occasion d in minger , d' l autruche ché bon à minger
mi j arviens am' n histoire, in m approchant del' devanture, j a vu qui avo un artique ed journal accroché sul' vite, chéto l' fils d' tin camarate, l' ptit fils d omer qui s éto armarqué in proposant du chameau à minger
j in ai parlé ach' zeff, i m a dit , du chameau ! bin l' prochain coup quo qui va cor nous zinventer, del baleine, ou nan té verra i va faire minger d' zinsectes, des mile pattes, eh rigole pas minloute, j a vu cha un coup al' télé...