dins chés sacs d'femmes !!
par Marie-Claire le, 01/01/2007dins chés sacs d' chés femmes ché bien connu, in y treuve d'tout, mi j'a toudis des grands sacs, un sac d' femmes ché pas fait pour ringer un porte monnaie et eune pièche d'identité et eune carte bleue, non ché dins chés pochettes d'hommes qu'in treuve que cha et pi l'téléphone portape j'oublios
j'vas vous confier c'que j'a in plus d'un tas d' fourbi dins min sac, os z'allez vite comprinde ..
j'a raconté que ch' t'été j'étos artournée dins min coin que j'avos pas vu d'pis 25 ans, Grenay, Bully, Loos, Vermelles et tout ch' coin là
in passant aux pieds d' chés terrils d' Loos en Gohelle, j'a pas pu résister ... j'a ramassé tros quate tchiots morciaux d'carbon, bien sur hop ni vu ni connu .. dins min sac , et in rintrant à m'mason j'a sorti tout cha
ouais mais 6 mos plus tard in fouillant dins l'fond de ch' sac, j'a arteuvé un tiot bout d'carbon que j'avos oublié
ben j'a pris l'décision d' li laicher........
achteure marie claire ale s'promène avec un morciau d'carbon dins sin sac, comme j'a dit in est imprégné ou in l'est pas hein !
bon jé n'a parlé avec minloute qui m'dit que ché pas forchèmint du carbon, cha peut ete des scories ou des pierres qui arsonnent, y a sur'mint raison , mais ché pas grafe que j'y a dit , cha vient du fond ... et ché bien cha l'essentiel