Les jardinsché grands magasins
par annie62110 le, 02/01/2007je m'rappelle ed l'ouverture des premiers prisunic à Hénin et à Billy, chétot déjà eune révolution dins l'commerce et nous ché tiotes jeunes files in trouvot du maquillage pas cher
mais quand ché Nouvelles Gal'ries al zont ouvert à Lens, bin la y'avot pas photo
in pouvot y passer un aprés midi d'long, ché là qui y'a eu l'premier photomaton, in n'a fait des photos intre copines, in faigeot des concours ed grimaces, in a bin rigolé
mais mi c'que j'préféro, chétot l'rayon capios, j'pouvo passer eune heure à n'essayer, j'veyo bin que l'vendeuse al m'ravisot in souriant, j'devo pas étre el seule à y passer min temps, même si in n'avot pas gramint d'sous, in passot un bon'aprés midi
et sitot qu'in avot un aprés midi d'libre, in prenot bin vite l'autobus, et in filot à Lens !!!
j'cros bien qu' ché là aussi à chés Nouvelles Gal'ries d' Lens que j'a vu chés premiers escalators
et j'em souviens y ete allée un coup avec m' grand mère qui étot complète'mint paniquée in hiaut de ch' fameux escalator
