Les jardinsverglas !!
par annie62110 le, 03/01/2007chétot pindant l'hiver 63, j'travaillo pas core à l'usine, j'éto à "l'maison du biscuit" à Billy Montigny, pour aller au boulot j'avo un bon bout d'route à faire à pieds
comme tous ché matins j'm'in vas donc de m'maison à 6 h 30, y comminchot à caire quet'cosse et comme y faigeot fort frod j'croyo qu'chétot de l'neiche
au bout d'200 m, j'ai comminché à déraper, au bout d'500 j'teno pus d'bout, pas moyen de s'tenir à ché murs, y z'étotent aussi verglacés que ch'sol
j'sus bin queute six ou sept coups, j'ai même vu un bus faire demi tour sur plache in d'sous du pont d'Fouquiéres
j'ai fini par m'assoir sur eune pierre, j'savo pu quoi faire
soudain j'ai vu arriver eune espèce ed colosse, chétot un mineur qui allot prindre sin poste ed jour à l'fosse 3 d'Méricourt, y'avot d'ché crampons à ses pieds, y'avot du faire el campagne ed Russie
y'm'demande dù que j'vas quand j'y ai dit qu'chétot au d'sus de l'gare ed Billy, y m'a dit que j'y arriv'ro jamais et qu'j'allo m'ar'trouver à l'hopital, y m'a d'mandé du que j'resto, et y m'a pris in d'sous d'sin bras comme un paquet et y m'a ram'née à m'maison
la y'a tapé al porte mes parints qui n'avotent pas vu l'temps qui faigeot dehors, y zont étés tout étonnés de m'vire déposer comme un ballot d'linche au bord de l'maison, et mi j'ai gagné eune journée d'congé !!
