les fers à r'passer
par minloute le, 03/01/2007ouais j a r'vu cha i a pas longtimps ché viux fers a r'passer oh j' vous parle pas d' ceux qu in faijo cauffer au coin du fourneau et qu ' ché femmes al' prenotent avec un torchon pour pas s' bruler
nan ché premiers fers electriques, oh quand qu on les pèse i zont rin à envier aux premiers fers, aussi lourds sinon pire, un fil electrique gainé par eune protection noire et blanche , souvent marque calor
bin chéto d' fameux machines à devloper ché biscotaux , souvint avec eune forme élancée , in diro presque des fusées, d ailleurs in étant jone j in avo récupéré un am' mère , un qui marcho pu et j' juo avec mes soldats avec, ouais chéto comme un vaisseau spatial
poete minloute poete ....
alors quand que j' rinte au soir et que j' vo l' corbele ed linche pas vidée , et qu' grand mère ale a un fer , quo dire si ché anciens i paraissotent moderne, in peut dire qu ale a un fer intersidéral, là l' moutarte al' monte à min nez , et j' va li dire c' que j' pinse, (croyez rin, mi j a pas l'loi am' mason j' su un persécuté, et j' su pret à et' hébergé, l' premier qui m' proposse eune tente bordeaux ed ché décathlon j y fous eune bargnouffe dins' guiffe...)
arvénons à ché anciens fers, quand qu in avo cor ché fourneaux al' mason et que dehors i pleuvo , ouais cha arrivait .... bin i a des coups té juo à indiana djone dins l' cuisine, in auro dit naples, ch' linche i séquo vite à coté du fourneau
d' ailleurs l' cuisine chéto l' pieche l' plus caute del' mason, plus té tin éloigno plus t avo fro, souv'nez vous mes gins quand qu on d'vo infiler ses ortios sous ché draps à l étache dins nos champes, chéto nin l' meme musique qu in bas
par cont' ech fourneau in s in méfiot toudis, surtout ché soirs ed grand vint, du qu' té croyo qui éto in train d' s imballer
té voyo l' rouche vif du fu à travers l' trappe à chintes
et j' me souviens plus d un cop m' mère pas rassurée d aller s' couquer si ale intindo ch' fourneau beugler sous l' effet du vint