reconnaissance d'Lavolville à Gosnay
par Bebert le, 05/01/2007Bonjour tartous, vous avez ben dormi? Mi nan, mais cha n'fait rien, I pleut pas alorse on va finir not' tit tour l'long dl'la Lawe (avant1952) ch'précisse pou cheux qui étotent pas là au début d'nous expédition!
In'étot donc arrivés à l'cité des profondes voies, qui armonte vers ech' bos. La eune paire ed'noms d'familles m'arvientent: Chés Vénache- Florian-
Weppe-Bochmann- vous in connaichez d'autes?
In arvient à l'rivière! A gauche yavot
aussi les restes d'un viux moulin avec eune grante cour qu'on dijot "l'cour Napoléon" un peu pu long, l'famille Lucien BAUDE & Joséphine, s'femme, 2 garchons Marcel & Michel, pi 2 files- el pu jonne al avot n'ache et in féjot la route à deux surtout l'hiver y faijot cor noir quand in allot au cathéchim' avant d'aller à l'école! l'poffe file ale est morte à eune quinzaine d'années
Apres yavot à mon "Dobrile "un café épicerie, qui faijot aussi cantines pou chés gins de l'centrale, fallot monter 5/6 marches (cha à cause des z'inondations)
Hé ben mi , j'restos juste in face de ch'café , d'laute coté del rivière y avot 4 tiotes maisons, et nou gardin i allot jusqu'à l'aute rivière (la Blanche) qui dev'not toute noire aveuc des reflets pétroleux dés qu'ale récupérot l'déversoir d'ch lavoir ed Carbolux.
A coté d'nous yavot aussi eu chez "DIEVALLE " Ché l' première maison qui a été démolie , is'avotent pas mal ed terrain sul'quel es z' entreprises y z'ont installées leurs ateliers durant l'construction d'el nouvelle centrale. Ach'teur faut savoir qui avot là des maisons qui étotent souvint inondées quand la Lawe ale sortot d'sin lit! eune fos on a du monter au garnier aveuc nous maguettes! yavot 30cm d'iau dins l'maison, heureusmin cha n'durot pas trop longtemps!mais chétot pas gai!
A droite aprés ch'café, y restot Emile DOBRAVE: i a longtemps travaillé au 2 bis et i faijot des courses à vélo Cha vous dit rien? i faijot aussi l'él'vache ed bergers allemands!
Y reste pététe 3/4 vielles maisons d'ech coté la? Y a longtemps que je su pas passé par là hé pis cha va trop vite in auto!
Bon nous v'la a l'porte de l' nouvelle centrale ed l'époque! un peu pu long ,un autre bistrot qui n'a pas toudis été trop recommandap! et juste aprés, in face , l'intrée de l' 1ère centrale , chétot à mon LINGLARD! vous z'avez connu? Hé ben Thérèse ale avot 15 ans quand j'ai comminché à aller à
l'maternelle à GOSNAY! ses 2 soeurs (Paulette ??- MIMI sur ) m'enmenottent à l'école , Hé ben ouais j'ai eu m'première maitresse à 5 ans!!
j'sens que j' vous fatique, in est in vue d'euch'panneau Gosnay, alors in va aller boire eune tiote bistoule pis in va rintrer. D'façon MINLOUTE y va bétôt m'dire : "Bébert, té sors du secteur chez pu chés mines! et comme es su nouvio , faut que ch'file droit, sinon j'va éte arfoulé!
Allez et bonne jounée à tertous, mais n'vous faite pas des noeuds aveuc les boyaux d'vous tiète!
Nb de Marie-Claire : ce sujet fait suite aux deux sujets précèdents : Eune pétite prom'nade ed' décrassache du 27/12/06 et Eune pétite prom'nade ed' décrassache (1) du 29/12/06 dans la rubrique Petite histoire de Bruay