Les jardinsch' calendrier des peuteuteux
par minloute le, 05/01/2007quand que ch' facteur i arrivo pour ché calendriers, i avo djà fait sin marché, j' m explique , i passo eune paire ed jours avant ; i d' mindo quo ché qu in voulo comme calendrier, photos d' cats , d' tchiens, ou d' montane
alors quand qui arrivo i sorto djà d' sin cabas eune paire ed calendriers, mi j éto là et ché mi qui choisisso ch' ti qu in allo printe, cor que j' devo m' dépécher , pasque m' mère ale avo pas ker qui reste longtimps al' mason, surtout pasqu i éto loin d' ete fraique
i a des coups i barloquo dins l' cour quand qui arrivo, des tchiotes vénules bleues sur ché joues, pi un argard un tchiot peu beaucoup embrumé.... pi comme em' mère ale servo pas à boire ed l alcool, i s' levo bin vite pour continuer s' tournée
meme qu eune année, s' femme ale du s' souv'nir que l année passée i a du rintrer dans zin sacré état , qu ale l avo fait accompagner par chin garchon qui éto jeuste un tchiot peu plus vieux qu' mi
