parler l' patois à l école
par minloute le, 05/01/2007parler l' patois à l école pendant la classe chéto interdit et l meilleux moyen qui zavottent ché zinstituteux chéto nin de l' interdire purement et simplement mais j a des souv'nirs qui s' moquottent ed ceux qui l' parlotent et nous in rigolo avec ech' maite
ché drole que cha so mi qui arprenne ech relais eune paire d années aprés, alors qu ale mason in parlo pas l' patois
j in a discuté avec min père, meme sin père à li il le parlo pas, in tout cas pas avec sin garchon, car com' diso min père, bien parler français chéto l' condition pour y arriver dans la vie
oh à l école , j' me souviens quand qui en avait un qui commincho eune phrasse par "quand qu' on" bin ch' maite il le faijo passer pour un arriéré
et j' me souviens un coup de ch' maite qui ralo cont' ceux qui continuotent malgré eux presque à parler patois, i dijo, ah ceux qui parlent l' patois toudis, bin "qu ils continuent , ils pourront vider les poubelles plus tard" , mais c' qui oublio , ché qui avo des familes du qu in parlo patois courammint al' mason et ché jones l' français ou plutot l'usage du "bon français" chéto pour eux comme eune deuxieme langue à apprinte
du que j' l a appris ch' patois ? dins l' cour ed l école , sans m in rinte compte, pi chéto aussi un moyen d' parler avec ché viu vigins
pi mi l' révélation cha a été ch' guss, ch' comique patoisant du coté d' boulone, in avo un disque un 45 tours, et in l acouto quand meme assez souvint, assez souvint pour que mi j' l' apprenne par coeur , et comme j a eu invie tchiot d ameuser les zautes, j adoro raconter l' squetche complet , so les 2 faces du 45 tours am' grand mère , in play back am' grand mère, qu ale rigolo toudis, "ah que innochint ch'tilale " qu ale dijo in patois , ouais pasque m' grand mère maternelle , tout en parlant très bien le français ale avo gardé in mémoire l' patois qu ale avo acouté et sur'mint parlé durant s' n enfance
sin frère chéto parel, et pi l' patois y l utilisote dans eune phrasse en français souvint pour "faire un mot "