j' vous souhaite eune bonne nuit
par minloute le, 10/01/2007j arviens du basket j a été vire l' match d euroligue pau contre l équipe de salonique
in a gueulé comme des viau, in a sifflé, in a ralé, in a applaudi, in fait la hola, bref in a gagné
j su arvénu i a un bon quart d heure, alors j a ouvré l ordinateur pi aussi ch' frigo bin seur, j' su in train d' minger un morciau d' fromache d' la vallée d ossau, oh un morciau, ché comme ed l extra viele , t a peur in croquant que che so ché chicots qui cétent et pas ch' fromache , mais alors mes gins que gout ....
ch' cat i est au coin del tape, tout pret d' l ordinateur, nous in s intind bin, i a fait comme un pacte tacite, ouais, is' met à coté d' mi, quand qui veut eune caresse is'rapproche sinan j' le touche pas, ché un sauvache ech' tilale rin à vire avec ech ' tien qui est là gueule ouverte près à attraper un morciau qui tomb'ro à terre....
l' mason ale est calme, j' su tout seu in bas, et avant d artirer mes cauchettes et d' tomber in pamoison, et là j' va ptete m' dire que l' bonne odeur du fromache al' véno ptete aussi d' mes ortios, bin avant d artirer mes cauchettes, ej' vous souhaite eune bonne nuit mes gins, et eune bonne journée à tous pour ch' jeudi qui arriffe
vot' dévoué ....