chés crapets

j'em'rapelle quand j'allo au collége Rostand al'Buissière in passot devant eun' maison ed' crapet avec quech'car bleu.
ché pofs jones y z'étotent dehors in tee short à 7 heures du mat in plin hiver. is treufe que eun' des garnoule al'étot dins l' même classe que mi, sur elle al'étot pas sale, in veyot qu'al'essayot ed' s'inringer comme al' pouvot
et pi pour courroner el tout al'avot des taques ed' rousseur sur sin visache
in veillo qu'al'étot malheureuse
el pu pire ché qui ed' n'a dins l'classe qui l'avotent pris pour souffre douleur

un coup intre deux cours id'n'a un qui ya cracher in pleine figure un molard bien vert et là cha l'a pas fait du tout
ya a pas vu arriver al caïelle qui a attrapé dins' guiffe et pi el dérouillée qui a suivie par qui?
par mi inch' temps la j'avo el coup ed' poing facile à tel point qui s'a artrouvé à l'infirmerie mi j'em' su a'trouvé in conseil ed'dicipline, j'ai été exclu 2 jours du collège , mais ej' m'in foutot du momint que pour mi chétot pour la bonne cause et d'ailleurs l'école pour mi cha n'avot pu déjà d'importance mais ej' vous z'assure qui n'a pu un qui l'a touchée.

et pi par la suite j'em' su lié d'amitié avec elle j'éto devenu sin confident am' racontot tous ses malheurs des fos as' mettot à braire, in véyo bien qu'al'voulo es' sortir ed' là enfin commint dire? avoir eun' vie meilleure
maleureusemint inch'temps là y avot pas d'aide sociale ni de psy, mi j'el consolo comme ej' pouvo mais j'avo que 12 z'ans.

par la suite ej' su resté in core un an au colléche j'ai continué al' protéger
aprés quand ché fosses y z'ont fermées in'a du quitter Bruay pour s'exhiler in région parisienne et à parir ed' là pu jamais pu jamais inr'vu.
j'espère qu'asteur al'est mariée et pi qu'a l'a trouvé un homme qui print soin d'elle et qu'a l'a fait comme mi a savoir ar'nier ses pinrints