ech'tour de france (1)
par LA CLO le, 23/01/2007ed nos jours in sait à n'importe quelle heure du jour ou del'nuit l'dernière information, l'dernier résultat sportif, mais du timps qu'in n'avot pas l'télé, internet ?
L'sujet du tour ed France m'y a fait r'pinser.
Min père quanque i étot d'l'après-midi i m'chargeot d'acouter l'arrivée du tour. Imaginez, j'n'étos pas bien vieille quand même, j'm'installos sul coin del'tape ed cuisine un bout d'papier, un crayon, em'mère à côté de mi, in avot pas ed trop ed quate z'oreles pour bien acouter. Ches commintateurs sportifs i parlottent à eine vitesse grand V, i fallot y aller pour noter ches noms à l'arrivée. class'mint ed l'étape et l'général. Min père à peine rintré i ravisot min tiot bout d'papier bien arcopié.