chés lincheux
par annie62110 le, 26/01/2007l'hiver pou nos mères, faire el lessife chétot pas eune partie d'plaisir, comme chétot loin d'ché textiles qu'in a ach't'heure
quand y fallot laver chés lincheux dins ch'rabattu y faigeot pas caud, et pour peu qu'y avot eune paire ed gosses cha in faigeot des lincheux à laver et surtout à mette séquir, je m'rappelle que souvint em'mére al mettot ch'lincheux du d'sus in d'sous et al in mettot un propre au d'sus pour réduire el quantité d'linche à sécher
quand ché z'essoreuses éléctriques al sont arrivées, cha a réduit l'temps d'séchage
ché vrai qu'l'hiver in avot l'impression d'vivre din eune buand'rie, l'cuisine al étot pleine ed cordes à linche, et y'in fallot au moins trois rin qu'pour ché lincheux, vous dire si nos méres al zont apprécié l'machine à laver automatique ! et chés textiles modernes !
mi j' conossos pas ch' mot là, in dijot pas cha dins min coin alors j'a caché et ptete qui n'a d'autes qui sav'tent pas
chés lincheux chés des draps