un tiot motard
par annie62110 le, 29/01/2007din les z'années 70 em'belle soeur, et s'n'homme sont partis habiter à Strasbourg, aussi in a été eune paire ed cops in vacances là bas, pou que m'belle mére elle va vire s'fille
in coup qu'in roulot in ville in a vu un motard d'la police, s'moto al étot tell'min tiote et bizarre in n'a pas pu s'impécher d'pouffer d'rire, et ch'qui devot arriver arriva, in s'a fait arrêter
ch'policier y d'mande ses papiers à m'n'homme et ceux de ch'l'auto, bon quand ché comme cha in n'in méne pas larche
comme i prenot sin temps cha simblot bizzare, j'vous rappelle qu'in éto à Strasbourg, tout à coup i dit à m'n'homme, vous z'étes d'Harnes dins l'Pas de Calais, bin mi aussi, alors là i sont mis à parler d'gins que j'connaicho pas, et au final em'n'homme i avot r'trouvé un cousin, et pour cha i avot été in Alsace
quand in dit qu'y a qu'ché montagnes qui s'rincontrent pas !