école Loubet Bruay 1954, classe CP3

Bonjour mes gins,
J'arviens d'Bruay et min frére y m'a prété l'photo ci jointe pour l'mette chut site.
Ché l'classe du CP3, à l'école LOUBET in 1954 . L'troisiéme tout in haut à gauche , ché Pierre-richard DREZE, au bout, sur l'méme rangée , ché min frére Raymond et al deuxiéme rangée , in bas à droite, cha dot étre Miryam DURAND .
Sin pére chétot un mineur qu'i avot été silicosé d'bonne heure, li aussi . Chaque fos qu'min pére y faisot sin gardin et qui faisot bon , y vénot y dire bonjour et y s'allongeot dins chl'herpe au bout d'el voyette.
Is parlotent d'leur jeunesse . Si mi j'étos là , in train d'inl'ver chés mauvaises herpes din chés parcs , i m' disot toudis: " tés sais minloute , té dos bien travailler à l'école sinon, té va devoir aller al fosse et cha, ché un métier d'bagnard, té peux m'croire...."

Marcel, AU SECOURS!!
j'cros qu'y a un truc.
In 54 , in'y'étot à l'école Loubet, et j'sus sur qu'in étot pas mixte, y a toudis eu l'école des garchons et l'école des files.
même l'toile e'd fond, cha n'me dit rin, je n'me souvins pas d'chés farnièt's là, et core moins d'chel vigne vierch' qui grimpe à ch'mur!
à moins qu'al été prisse ailleurs dins des circonstances particulières?
Eclaires min quinquet.
Merci, et bonjour à tout le site
Pierrot

mi j'vas pas donné m' n'avis passque j'étos pas à l'école à Bruay, mais du coup j'a vérifié sul photo d'origine, ch' panneau qui est d'vant ch'garchon au 1er rang au myieu, ché marqué : Bruay E.Loubet CP3
alors ptete comme té dis Pierrot qu'el photo al a été prisse ailleurs

Bonjour à vous deux,
Té sais Pierrot mi j'y sus allé deux ans à l'école des files unne année avec Mme Wacheux et unne aut' avec Mme Carré, après cha cha a été aussi avec M. Houillez.
Té sais Claudine sus l'photo j'ar'connos aussi gramint d'monte ed vue, i restotte dins ch'quartier, Annick Robillard ale restot dins m'rue et Ch'garchon Louchart (avec un T) sin prénom ch'étot Michel, cha j'in sus sûr.