sweety !!
par annie62110 le, 16/02/2007y'a six mos j'vous ai parlé d'praline ch'tiot siamois qu'j'avo trouvé din eune caffe à carbon dù que s'mére al avot mis bas, ch'tiot poison là j'l'ai d'pus onze ans
et y a deux ans eune voisine m'a ram'né un tiot chartreux qui vivot al cour , s'mére al trainot tout s'portée dins l'nature, i avot bin chinq mos et i étot tell'mint mignon qu'in l'a pris
l'plus dur cha a été de l'faire accepter par chelle qui avot déja s'plache al maison
y zont fini par s'intindre, et quéque mos plus tard sweety i a comminché à avoir des problémes urinaires, i faigeot des calculs à répétition, i pouvot pu picher, sin sang i s'impoisonnot, aprés plusieurs séjours chez ch'véto i a fallu i inl'ver tout sin service trois piéches et ch'est cha qui li a sauvé la vie et d'puis min tiot cat i fait pipi comme eune femelle et y a pas plus gentil, ch'est min tiot trav'lo comme i dit min garchon
in tout cas si i étot resté dins l' nature y'a longtemps qu'chelle pauve biéte al s'rot morte , et croyez me y'a pas meilleur !!! et i n'a tell'mint qui trainent les rues !!!
( 1 photos)