del' bière fait maison
par bouquillon le, 18/02/2007Al'maison in étot cinq ; i fallot bien boire. el'l'iau minérale chétot pas cor à la mote. M'mère al faijot es'bière el'minme.
Al prénot eine grante lessiveusse rimplie d'iau. dins eine malette el métot d'l'houblon (cha s'appelot ed'l'autobrasseur ; ech'paquet i devot être bleu).
in mettot el'lessiveusse sur el'cuisinière et al léchot bouillir el tout pendant un bon momint et sur el fin al ajoutot del'levure ed boulanger qu'al avot délayé dins un peu d'jus caud d'houblon.
El'jeudi , min tiot frère et mi on étot ed'corvée ed'nettoyache ed'toutes chés boutelles vites à bière . ein les faijot trimper din del'l'iau avec un tiot peu ed'cristaux et avec un goupillon in les nettoyot à l'intérieur et pi on les rinchot bien. in'avot des bouteilles...
Heureusemint qu'ach't'époque là in avot el'lio pour rien.
Quand el mixture al étot arfroidie, in mettot el'bière in boutelles. In prénot un entonnoir in fer (in plastic cha n'existot pas cor) et avec eine louche toudis in fer i fallot mette el jus d'houblon dins ché lites et in fermot avec el'fermeture faite in métal avec un capuchon in faience.
Quet'fo in cangeot el rondelle in caoutchouc. Après in les déchindot al'cave et i fallot attinte eine paire ed'jours.
Quand in ouvrot eine bouteille cha faijot del'mousse. Ein appelot cha del'bière mais chétot sans alcool.
ej'vous dis pas mes gins, min frère et mi in i passot tout sin jeudi et i étot pas question ed'raler pour aller s'amuser avec chés copains.
Ej'cro bien que beaucoup ed'familes ed'mineurs i féjotent leur boisson ménagère eux minmes. Chétot bon et naturel sans colorants et conversateur. (rires !!!).
J'allo oublier, al faijot aussi du Kéfir. Chétot pétillant. j'm'rappelle pu del recette. j'sais qu'al mettot des figues din des pots in grès, certain'mint del l'iau, del levure délayée ; si vous vous in souv'nez à vos claviers (rires !!!).
A béto