in étot sportifs ..
par Bebert le, 22/02/2007Un tiot salut à Bouquillon- BJP- & +++
J'auros mauvaise foi à douter d'vos valeurs sportives dins différentes disciplines, vu qu'mi j'n'ai jamais fait plus de sport que c'que j'étos obligé! A vélo, si cha monte, j'mets vite pieds à terre cependant étant jone homme, in in faijeot des kilomètes pour aller à l'ouvrache, et l'diminche cacher à pouillettes, pasque mi, je n'allos pas à" l'galinette cendrée"!!
Nan ! té vos on s'connot bien BJP et mi dins l'temps qui juot cor au basket
dins sin village, j'allo souvint l'supporter surtout pour l'partie festife! ch'est quant in a du travailler in feu continu qu'on a pu moins s'vire, sinon, tous les samdis on avot not' 5à7, à mon Marlise! JP i étot sul' point d'monter un club eud'javelots!
On cachot un biau cul pou taper d'dins ! Ben on s'rot pétète v'nus faire des stages d'formation à Bruay?
Su sur que cha aurot marché! Ichi j'n'ai même jamais vu juer aux fléchettes su des tites cibes comme y avot dins l'temps dins tous chés bistrots.
J'avos un camarade, si j'mettos m'main, mes doigts ben écartés sul'cibe, et ben, i pouvot planter ses (dards) fléchettes intre mes doigts, jamais i m'a touché!
chétot l'bon temps! Pétète qu'on s'a déja rincontré , j'min souviens pu, mais à l'occasion ch'a s'ra aveuc plaisi.
BJP! t'es grippé comme mi ou quoi? j'étos pas sorti d'pu 6 jours mais aujourd'hui, j'ceuminche à n'arvénir!
in va pouvoir aller faire un tour, pas à Colomb Béchar! à l'Noire Canette! ou la fleur du printemps à z'Amuzoires
Ch'a vous dit quét cosse? Par là ch'est plat on y va in vélo!