les frères à papa
par annie62110 le, 27/02/2007j'vous ais raconté l'histoire ed tiot Pierrot comme i nous l'avot laichée, ach't'heure j'vas vous parler d' mes mononques
l'ainé chétot Gaston min parrain, chétot un homme drot gentil et courageux, i étot porion, et l'souv'nir que j'garde ed li ch'est un homme souriant avec eune pipe intre ses dints
I est mort i étot pas loin d'ses cinquante ans, cha a été l'pire chosse qui pouvot arriver à m'grand mére vire partir un d'ses zinfants !!
el deuxiéme chétot jean, chétot un braffe aussi ed' sin pére i avo l'tiote taille
li chétot un coulonneux quand i restot rue d'Abbeville y'avot un biau pigeonnier i faigeot les concours chétot un passionné
l'souv'nir que j'ai gardé d'li ch'est ch'ti d'un brave homme qui avot eune façon particulière ed s'assire avec eune gambe ar'pliée sous li
i a à peine vu ses soixante ans i est mort de l'même maladie qu'sin frére, chelle qui aura aussi raison d'min pére el silicose