souv'nirs d'sportifs
par BJP le, 27/02/2007Tout d'abord, min tiot frére, i m'a dit comme cha : " Té diras à Bébert que l'chasse à l'gallinette, ché quand maime plus poétique que d'dire l'chasse à l'pouillette." I a ajouté, d'ailleurs, in dit pas pouillette, in dit poulette. L'débat y est ouvert mes gins !
Bébert, ein camarate ed'trente ans, i s'trompe ! Dins min villache, j'ai jamais jué au basket. Ch'est pas graffe, éj'vas vous dire plus loin c'que chétot.
Au basket, j'ai jamais jué.
Quoique, jé m'souviens, qu'avec ein camarate dé l'rue du vieil-fort, in s'étot inscrit au SOB, justemint, pour juer au basket. In n'y a été qu'eine fos.
L'intrainemint i s'passot déhors, ben, in n'y a pu été.
Ch'club, i s'app'lot le SOB. Ch'est pas du tout s'que vous croyez, nan nan!
Pour ché là qui n'connaissent pas, cha veut dire "Sport Ouvrier Bruaysien".
Ch'est l'club qui s'treuve au Stade Parc.
I est surtout connu pour l'athlétisme pasque y a eu un champion du monde. Accambray, au lancer d'martiau. Ej'cro maime qui est né à Divion. Comme vous avez tartousse internet, j'vous laisse raviser sin pédigrée (Bien sur, pour ché plus curieux ).
Din z'ein sujet, min frére i parle dé l'mare aux canards. Les seuls canards qui a là vu cha devot ete tous chés jones dé l'région.
Chétot ein trou d'iau qui appartenot à l'briqu'trie d'Houdain. In n'a du ete des précurseurs pour ché bains d'boue.
Ch'n'étot que d'l'argile. L'iau al étot marron. Cha devot ete là qui tirottent ch'l'argile pour faire chés briques.
Ché là d'dins qu'in allot nager d'timps in timps. P'tete qui a des gins qui ont connu l'mare aux canards ?
Asteur, j'vas vous dire , Bébert hé ben i a confondu basket avec volley ball.
Hé ouais dix ans que cha a duré mes gins. In n'a fait des mi-temps. Ach'momin là, in étot cor jones et biaux ( hé comme cha qu'in dit nan! Biaux mais in étant jones).
Ben v'là mes gins, ch'est toute pour aujourd'hui. J'vous dis à l'prochaine et à bétot .
ch'est vrai bébert que min frère JBP i étot inscrit pour juer au basket. I s'rappelle pu que l'seule fo qui a jué chétot à pieds ed'chaussettes.
i a arvénu al'maison avec ses chaussettes plein d'trous. ej'vous dis pas bébert qui s'a fait rouspété par em'mère. eine paire ed'chaussettes toute neufe. i dot pu sin'rappeler ed'cha. Mi j'm'rappelle bien et pourtant j'éto tiot.
A béto
Bonjour à tartousse .
Min frére , i'é comme Bébert y confond basket et volley.
Ch'est vrai , j'min souviens trés bien que j'su rintré à m'maison que j'avos pu d'chaussettes mais chétot in juant au volley .
Cha armonte à au moins cinquante ans . Avec ein camarate dé l'cité des musiciens in avot été pour vir juer et comme i manquot du monde , i nous z'ont imbauchés et in n'disot jamais nan pour s'armués , in n'a jué avec eux.
J 'éto in godasse ed' ville , j'ai donc jué in chaussettes et comme y avotent mis des tôles sur ch'terrain in rien d'temps , j'avos pu de chaussettes.
Cha s'est passé au N°1. A ch'momint là, y'avot cor ech'carreau d'fosse.
Ben v'là mes gins toute l'histoire ed'mes chaussttes. Y a pas d'quoi fouetter ein cat.
A bétot mes gins .
Bien l'bonjour mes gins.
Em'n'épouse al'a ravisé l'dernier sujet qu'j'ai mis. Al'm'a dit comme cha : l'marque éd'tes chaussettes he ben, chétot des "Labonal" , et'mère al n'a assez parlé.
Cha clos l'histoire é d'mes chausettes. Asteur, in peut dire qu'in sait toute !
A bétot mes gins .