chés femmes ed mineur
par annie62110 le, 02/03/2007mi j'voudros leur tirer min capio, pace qu'al zont pas toudis eu l'vie facile
quand y'avo pas core ed machines et qu'al lavotent al brosse al cour tout leur lessiffe et surtout chés loques ed fosse
aprés al zont eu chés grandes machines un bos avec eune courroie y'avo un tiot peu d'amélioration, mais combien d'fos étant tiote j'ai vu em'mére vider la moitié d'el bouleuse din sin caudron avec un baton pace que chéto trop lourd pour elle
aprés y a eu ché tiotes machines électriques in toles émaillées avec ch'l'essoreuse à rouleaux, suivie d'l'essoreuse éléctrique, mais cha cangeot pas l'transport de l'iau
j'sus sure que si nos grand méres al z'arvenotent aujourd'hui et qu'al veyotent nos machines automatiques al dirotent "cha ch'est des zoutils d'fainéantes"