des patates dins ch'gardin d'min père à Liévin
par kiki le, 17/03/2007En continuant l'histoire d'chés gardins, j'ai incor inne tiote photo qui fera peut ete plaisir à chés chtis de ch' Nord, Pas de Calais.
In y vot chés patates fraiquemint arrachées par min pére et bien étalées dins l'voyette de ch' gardin pour les faire sécher et dins l'même timps de les trier afin d'inlever chelles qui avotent des coups d'béches et il les mettot dins inne bassine et cheux là in devot les minger in premier, les autres in les mettot al caffe.
Et comme j'm'arvos d'sus l'photo i faisot biau avec l'soleil qui devot récauffer mes gambettes.
Et j'avos inne tiote chaise in bos et bin mes gins vous savez chelle là ej l'ai gardée longtimps.
chétot les biaux momints d'jeunesse in ch' timps la.
Ah ouais y avot aussi ech béret noir d'min pére qui l'avot toudis d'sus tiète cha m'a beaucoup marqué j'l'ai toudis connu avec un béret et cha cachot ses biaux caveux ondulés.
Ch' béret d'mineurs comme in disot dins l'timps.
( 1 photos)