ch'est diminche aujourd'hui
par Bebert le, 18/03/2007Bonjour tertous ! la lune alle m’impèche eud dormir alors , j’va vous raconter inne tite histoire vécue, « comme toudis » et l’jour que j’vous racontrais inne cacoule , j’vous dirais aussi !
Quand j’étos infant de chœur à l’Bussière, j’servos souvint à l’ grand-Messe avec un tit-cousin par l’armariache d’eume Gd-Mère
Certain de vous ont du l’connaite pasqu’i a été élevé par s’nonque « Jules Duriez » qui restot rue de Pont à Vendin. Ch’tit cousin s’appelot « Roland Baux » et i devot aller à l’école Loubet, mais i v’not à l’église à l’Bussière.
Ch’diminche là devot éte un jour d’fête comme Pâques ou Pentecôte pasqu’y avot plus d’gins que d’habitude. Vous souvenez-vous commint qu’cha passot au momin d’l’Offrande ?
Mr le Curé aveuc un éfant d’chœur d’chaque coté, (portant un platiau pou chés sous) i s’métot au niveau d’eule table de Communion, et chés gins i devottent v’nir à li , imbrasser l’baiser de Paix et déposer leur offrande din un platiau t’nu par un infant d’chœur. « Quo ch’est qu’cha, ? » le Baiser de Paix !
Hé ben ch’étot inne plaquette Grande comme inne soustasse à café (vous
Suivez ?) su l’quelle étot scisellée inne représentation du Christ.
derrrière y avot inne poignée pour l’tenir, et l’présenter à l’joue de chés fidèles ! entre chaque fidéle , le baiser était essuyé avec un linge spécial qui se nommait le mouchoir de Paix ! Jusque là tout va bien !
l’offrande terminée, nous faisons demi-tour pour argagner notre plache au pied d’l’autel, ch'est là que min Roland
Qui avot des souillers ferrés ! i gliche su chés dalles qui étotent fraichemin chirées , et v’la parti les 4 fers in l’air aveuc sin platiau dins’main ! mais tous chés sous, éparses din ch’chœur ! Su l’coup, je n’ sais pu qui de Mr l’Curé ou Roland étot l’pu rouche ? des vraies pionnes (pivoines) tous les deux tandisque ch’Bedeau i essayot de faire taire tous chés gosses qui riottent comme des bochus dins chés premiers bancs.
(J’cros que ch’bedeau i s’app'lot « Edmond » i restot din l’rue Blanc Pain et i travaillot au 2 bis à Haillicourt.
Ch’jour là ! on a du faire du rab après l'messe pour ramasser tous chés pièches.
Bon ! si min camarade BJP n’est pas cor convaincu que j’ai failli étre Curé !
J’li dis Amen , Amen tes sous !
L’pratique ainsi de l’offrande s’est perdue din les z’années 70 pasc’que, inne bonne partie d’chés gins qui étotent au fond d’l’Eglisse i profitotent d’euch momin là pour sortir et faire l’2ème mi-temps au « Cafè de l’Eglise »
Ach’t’heure ! n’y a pu personne, ni dins l’un , ni din l’aute !
V'la cor in souvenir! Bon diminche quand-minme!