du bon sens
par annie62110 le, 19/03/2007quand papa i est mort maman al m'a donné un cran d'arrêt qui li appartenot, chez un mineur chétot pas un outil courant, chez papa non pu, li i étot plutot du genre pacifique j'l'ai rar'mint vu crier même aprés nous, pourtant in étot quequ'fos turbulentes, mais i réflechissot toudis avant d'agir
ech'jour la i etot dins sin gardin quand i a intindu deux jeunes in train de s'battre, et i n'avot un qui avot un coutiau , ia crié un bon coup, i zont eu peur et i leur a pris ch'l'arme in leur digeant d'vénir l'ar'ker dins un mos
i sont r'venus deux mos plus tard, quand min père i les a vus i a été ker ch'coutiau et ché jeunes i n'ont pas voulu, i z'y ont dit "monsieur in vous in fait cadeau paceque vous nous avez impéché d'faire eune grosse connerie"
et voilà i avot écangé ch'cran d'arrêt contre un tiot peu d'sin bon sens !!!