ché divisions
par minloute le, 30/05/2005L'addition cha a été , enfin j' peux pas m' plainte, l' soustraction beaucoup plus dur, i avo toudi l'artenue qu' in oublio ou alors ch' maite i faijo exprès d' mette un zéro dinle chiffe alors artirer des chiffes ed zéro cha a été dur.
Bon ché deux là aprés bin des exercices, des devoirs, des révisions, cha allo, j' éto pas rapite mais cha allo quand même.
Pi un jour, in a passé dinl' catégorie supérieure, l' multiplication et l'division, j' y suis arrivé mes gins, mais y a un momint mes parints i zavottent ed' grands doutes , im' disottent que j' allo finir éboueux, mi j' avo honte alors j' a rassemblé l' peu d' neurones que j' avo d' ouvert pour l' calcul et cha a été quand même.