Les jardinsun sacré bouquet !!
par annie62110 le, 06/04/2007quand avec em' homme in vindot du beurre, l'tournée qu'j'aimos bin chétot l'mardi in faigeot chés villaches et surtout MERIGNIES au printemps y'avot des fleurs dins tous chés coins chétot vraimint agréape à vire
mi j'aimo bin l'temps du lilas in n'in veyot d'toutes les couleurs!!!
ch'jour là in étot arrétes chez mr et mme Vion et in parlot d'lilas et fort gintimint am'demande si j'in veux un bouquet, là al demindot a eune aveugle si al veut vire clair!!
al a donc crié à s'n' homme de m'ram'ner des fleurs, quand i est arrivé j'copos du fromache donc j'y tournos l'dos tout c'que j'ai intindu ch'est "vous n'avez assez madame Dedourges" et quand j'me sus r'tournée i éto al porte de ch'camion avec un arbe i m'avot copé un lilas complet li pi s'femme y z'étotent morts ed rire, chétot vraimint l'plus gros bouquet qu'in m'avot jamais offert
aprés avoir bin ri et tout taillé pou qu'cha prind moins d'plache, in est r'parti avec plein d'lilas dins ch'camion et au soir in rintrant in a fait gramin d'heureux!!!
core un sacré souv'nir!!!!
