chés plantes qui soignotent
par annie62110 le, 19/04/2007avant ché gins y utilisotent gramin chés plantes pou s'soigner, j'dos dire que mi même j'y'ai eu recours, ch'tilleul, l'camonille, chés queues d'chériches
quand j'habitos à Harnes y'avot un herboriste, et j'aimos bin y aller, y'avot des grands meubles vernis avec des tiroirs pleins d'plantes, cha sintot bon l'foin ché plantes ed toute sorte, i m'préparot eune tisane dépurative in n'in mélangeant plusieurs, i les pesot et i mettot cha dins un sachet in papier craft
in veyot que ch't'homme là i avot du savoir, i avot des gros herbiers dù qu'j'auros bin voulu mettre min nez, cha devot être intéressant
ch'est core un métier qu'i s'in va étant donné que ch'diplome d'herboriste i a été supprimé et j'trouve cha bin dommache !!!