y a pu d'iau dinch'tonniau
par kiki le, 25/04/2007Ouais mes gins, in ch'momint ch'est la galère, in a pu d'iau po chés gardins et in plus in est bin contint quind i n'y a qu'du soleil comm' ech diminch' d' vottache.
D'puis que ch'gardin qui est fait, pas in' zic ed pleuve dins ch'tonniau i est tout l'timps vid', l'terre al est toudis sec comm' d'lle braise.
Ach teur avec ech Net et chés prévisions météos in s'déminte quind l'pleuve al va bin arroser chés gardins et in plus d'cha i n'a jusqu'à jeudi d'ech bieau timps.
In ch'momint in nous parle souvint d'économiser l'iau et d'faire des réserves dins des grinds tonniaux, vous veyez cha in est in 2007 eh bin j'peux vous dire qu'dins chés années 1950, min pére i avot déjà pinsé.
El gouttière d'ech pignon d'elle mason, il l'avot raccourchie et i avot mis un gros tonniau in bos, vous savez chés grosses barriques à vin.
J'in parle achteur in veyant l'photo d'famile d'Antan , et mi l'tiot ch'timi j'étos tout l'timps dins les cotrons d'mamam et j'vos aussi qu'jétos bin imbété par l'soleil, j'arrivos pas à raviser ch'l'apparel.
Pourvu qui pleuve un tiot peu pour qu'in puiche arroser chés biaux gardins de ch' Nord Pas-de-Calais.
Adé mes gins.
( 1 photos)