in a brisié l'coron Warin
par TIOT RITAL le, 25/04/2007En remerciement à mes comarates « carbonniers » Michel, Bolek, Luigi, Ahmed, André qui m’ont permis de descendre au fond, en… 1971 pour
voir le dur travail du mineur !
Et voir leur coron démoli, m’a inspiré ce poême.
In a brisié l'Coron Warin !
Ch'matin, ch'tot ein rute tintin (bruit) d'infier
d'martiaus à pic, pell'teusses, ingins d'fier!
In démanoque (démolit) l'coron, comarates !
pou costruire padzeur ein nouviau state !
Not' ker coron i'étot si solé, (désolé)
qu'i'étot treup ker pou êt' arnouv'lé ! (remis à neuf)
Putôt qué faire s'belle rénovassion,
L’mayeur a coeusi ...s'trisse démolission !
Ch'tot comme si in coulot du plomb
su nos kers morts kéus au fond ,
chés flaminds, itaïens, polaques
sidis, nordisses et aut' macaques !
Ch'tot l'patrimoine, not' coron,
d'chés carbonniers d'Jules Mouss'ron !
d'chés ouverriers des cauds fours ! (hauts fourneaux)
et d'z'artraités ed no jours !
Au mitan d'l'arruin'mint (ruines) terrassé,
j'ai vu eine vielle casquette dépasser.
J'ai épautré (écrasé) din m'manée,
el vielle casquette obliée !
Si fort qu'el l'sueur chinténaire
d'chés z'hommes dé l'classe overriére ,
alle est arsortie din mes mains !
Mes mains toutes crutes ed chagrin !
Ouais, j'avos tell'mint d'chagrin ,
qué d'rache, alles z'ont brai ... mes mains !
Tiot Rital