Grenay, l'carette à POP
par dubois monique le, 27/04/2007Dins ches années 50 et plus, y avot, à côté d'ech cimetière Anglais à Grenay, eun' grosse bâtisse qu'in appelot "el catiau d'POP".
POP, ch'étot un ferrailleur : i passot dins ches corons avec s'carette et sin bidet pou acater ches piaux d'lapin et ches morciaux d'ferraille.
Min grind-père paternel, chaque fos qu'i tuot un lapin, i faisot gaffe à pas abimer el piau .... i dépiautot ch'lapin, aprés i avoir fait ch'coup du lapin (cha s'invinte point !), inlevé un oeil, et pindu par ches pattes arrière à un clo plinté espres chu l'baraque à carbon....
Aprés, i faisot ben sécher el piau, in l' bourrant d'papier journal et quind i in avot assez, i les vindot à POP quind i passot.
POP i récupérot aussi ches ferrailles, et in avot tartous pris l'habitude d'raviser à tierre, pour treuver des tiots bouts de fer, d'boulons, d'clous rouillés, ed fils de fer, bref tout ch'qu'in pouvot récupérer et vinde, comme cha rien n'se perdot, et cha faisot queques sous à min grind père qu'i avot eun'tiote pinsion pou vive !