in est for ché zommes
par minloute le, 06/05/2007l' diminche soir , on "grignotte" cha veut dire que grand mère ale fait nin à minger, donc teut' débroule........
mais mi j a ker minger del salate ed pétotes c' soir là
alors commint faire ?
d'minder à grand mère du genre "eh grand mère fait me cuire des pétotes à l io " là té sur que té va t' faire rinvoyer dins ché cortes, teu risque meme d' eut' printe eune claque dins tes loupes
alors commint qui fait minloute ? tout simpe, j' print min n air ed cocker, savez ché tchiens qu in diro qui sont toudis tristes ......
alors té comminche tout douch'mint à cacher après l' cocotte, SURTOUT PAS L TROUVER mais bien armuer eune paire ed castroles dinch' meupe
du coup , grand mère ale dit "quo ché qu' té caches ? " ti té dit " j' cache aprés l'cocotte" surtout pas dire "j' cache aprés l'cocotte pour faire eune salate ed pétotes" nan teu reste sobe
alors grand mère ale dit ché dinch' casier du bas, alors ti bin sur té cache exprès dinch' casier du haut, comme ale vo qu' té trouffe pas, as' lève, alors ché là que té trouffe el' cocotte, mais ale s est l' vée donc al' dit soit " ah mi j' voudro et' réincarnée in bonhomme " ou alors " allez , laisse me faire, j' comprints pas que t as des responsabilités au traval et d' ete comme cha aussi nunuche" , alors là ti té baisse l' tiete, pi te reste te pas dins ses pattes, nan té va faire un tour ach' gardin, pi aprés quand ché cuit , ti teu dit, "t occupe d' a rien, j' m in occupe" , alors j' ouffe el cocotte, j' pique ché pétotes, si ché pas assez cuit , j armets ch' couverque, grand mère ale dit "chéto pas assez cuit ?" ti té do pas li réponte et pourtant cha t' titille " nan , j' les armets pour qu ale zarviennent crues..., que questions", nan te dit tout douch'mint d eune vo neut', et meme si ché carémint pas cuit, te dit " oh ché presque cuit, in ' a eune qu ale mérite cor eune minute" , et là t as la paix
aprés quand ché cuit, t arsort ché pétotes, te print eune assiette creusse, d' dins te met un oignon blanc coupé in morciaux , bonjour l haleine ed coboille , deux tros cornichons, pi eune tomate coupée in morciaux, pi des pétotes intieres, aprés te les coupe, mais mi j' garde l' pio, j' le minche ché bon cha , pi j' mets huile vinaique, un peu d' moutarte au coin de ch' l assiette, bin seur, un bout d' paté, pi un bout d' saucisson, pi l affaire ale est juée
y a un truc que j a pas cor réussi à faire l' diminche soir, ché qu ale débarasse m' n assiette .... l' s'maine j a pas d' problemes, mais l' diminche nan, ché pas graffe du momint qu' ché pétotes ale so cuites ....... eh ralez pas ché garnoules , observez plutot commint vot' homme i s' débroule aussi pour qu' vous faites tout j' sais, mais j a pas honte