ech diminche 6 mai 2007

Bonsoir à tertous, bien sur un' journée à mette d'ssus l'site d'histoire de Chtis, j'ai lu "in est for ché zommes" par Minloute et cha m'a beaucoup plu l'coup d' chés pétotes à l'iau
pour arvenir à ce que j'voulos vous raconter chétot l' journée d'aujourdhui
à commincher ch' matin i faijot bieau avec des rayons d' soleille et un peu d' vent , comme d'habitude j'm lève à 7h30 et l' matinée al débute par ouvrir chés volets et l'porte d'intrée pour que notte petite chienne praline al va faire sin tiot pipi, ch'est un' p'tite batarde d' griffon ed caniche et vous savez ell' a du caractère i faut pas l'imbêter sinon al pinche un tio coup.
Insuite l'heure d' mette in route ch'l'ordinateur et pindant qu' chés programes i s'mettent d'ssus l'écran , j'vas préparer ch'café du matin, vous savez ch' café du Nord bin d' chez nous pour bin déjeuner.
Après ch'est l'toilette et in va s'préparer pour allez ach' vottache du 2 ème tour. Et puis comme ché core l' mois de Mai in est allé querre du muguet, in étot invités pour l'apéro chez des amis et ch'est là qu'in a appris un' bonne nouvelle ch'copain françis i allot ette in retraite au 1er Juin ch't'année et qui avot posé tout chés r'pos avant.
Bin vous savez mes gins i étot bin contint Francis i allot pouvoir s'arposer parc'qui faijot l'trajet d' Bully à Valenciennes pour y aller au boulot. In a fait un' paire d'photos pour s'rappeller plus tard d'ech momint là, i étot bin contint l'Francis. Insuite d'retour al mason i a fallu allumer ch'barbecue et in a fait griller des côtes d'cochon avec des herpes, du sé et du poife et sans oublier chés frites de'ch' Nord, bin vous savez in s'est bin régalés faites le vous m'in direz des nouvelles. Et pi ch'fromache et l'dessert et sans oublier un' bonn' tasse ed jus en faisant chuchette .
Et aprés in tiote digestion in ravisant du foot d'ssus ch'cable, bin sur j'n'oublie pas m'n'épouse qui n'arrête pas un' minute al tient pas in plache , avec not premier ptit fils i ont arrosés chés fleurs ech tiot i avot in tiot arrosoir in plastic et i faijot comm' s'grand-mère, chétot mignon à les vir tous les deux d'inch gardin.Et un' tiote nouvelle que j'vous donne ch'tiot chtimi plus i s'porte bin , i bot bin sin biberon et i fait d' bonnes rizettes et des tiots sourires sans oublier ses gros dodos.
Après tout cha in est arrivé à 20h00 et l'vottache i étot fini et in a un nouveau Président.
Un' tiote photo d' porte bonheur.
Mes gins j'vous dis Adé et bonne soirée à tertous.