rue Raymond Deruy l été au soir
par minloute le, 09/05/2007gens assis sul' seuil del porte, ou assis su ché caielles, infants qui juent au foutballe au miyeu del rue, attention am' carette ti avec tes tirs, t as ché zortio d' travers ché pas possipe, teul' fait dexpret .....
attente d un jone, eh l aute i a pas cor fini d' minger, que longue prone ......
femmes qui s interpellent ed porte à porte ; qui ché ch' ti chi, yé du ch'tilale ? ah y vient pour l' file untelle, ouais elle "fréquente", bin ale a pas cor 18 ans ! oh cha m etonne pas mi, tiens y a qu a vire es' soeur , ale éto pas cor majeure, qu ale a fait sin premier, ché sur i doffent avoir caud inter ché gampes dins chte famile ! André ferme et' guiffe, parle moins fort y vont intinte....
ah vlà ch' l 'io d' vaisselle cale déchint tout ch' caniveau , i pourrotent atteinte un tchiot peu quand meme, nous in arniffe cha aprés minger ....
eh ti té va rintrer ! oh m'man ! cor un tchiot peu ! nan ! té rinte, d'main y a école !
et arrete ed saquer tin nez sinan d'main té sort point !
ah chtilale un vrai sirop d' la rue , tout sin père ! oh ché facile grand mère, quand qu' cha va pas ché min fils quand tout qui va, ché tin jone.....