l'guisse au 3 d'Mazingarpe
par potié vital le, 10/05/2007ch'est vrai que même l'nom du pays in l'écorchot, in n'disot pas Mazingarbe mais Mazingarpe
dins min coron in avot tous un cherque, ch'est eune roue d'vélo sans moyeux ni rayon et un crochet.
ch'crochet ch'étot eune barre d'fer, t'es prinds un tijon et t'es l'arpli, dù qu'in l'prinds t'as un crochet et t'es pousses l'cherque avec. t'apprinds à faires des manières, passer intre des boites, faire des 8 et surtout in faijot la course.
quand t'es cueurre avec tin cherque t'as l'impression d'avoir un turbo, p'tête que ch'étot prope à not coron je n'ai jamais intindu parler su l'site
quand in courrot eune dizaine d'un coup chés femmes i gueulottent tellemint cha faijot du bruit, mais nous in s'défoulot avec c'qu'in avot, in s'in foutot
j'ai jué evec mes tiots garchons al guisse
j'leur ai dit in va s'amuser avec un manche à balai i m'ont ravisé drole et pis cha a durer toute l'matinée
mes tiots infants i comprintent l'patois i ne l'parlent pas,
à m'maison in n'parle pas français, in parle ch'ti