el vaccination !!
par annie62110 le, 11/05/2007mi quand à l'école l'maitresse al nous digeot d'prinde sin carnet d'vaccination, ch'est fou c'que j'étos continte
pourtant à l'époque l'tuberculose et l'poliomyélite faigeot des ravaches dins l'population, j'avos un oncle qui étot mort de l'premiére et eune tiote voisine hindicapée par l'deuxiéme
aussi l'jour du qu'in devot y passer, l'maitresse al ménot tout s'classe à l'mairie d'Fouquiéres et qui ch'est qui nous z'attindot : "JULIE GAMBIER" l'sage femme al faigeot aussi chés piqures
ch'est drole ch'jour là in avot tous des coliques, in étot pas bien in tiote culotte et maillot d'corps, in avot tout du troupeau apeuré
chti qu'j'ai vraimint pas aimé ché l'bcg , vous savez chti dù qu'in nous faigeot six griffes, et pourtant j'serros mas dints et mes tiotes fesses pou pas braire, mais ch'étot pas facile
faut dire qu'julie al m'a pas laiché qu'des bons souv'nirs, et pourtant, in s'rindot pas compte qu'in avot b'soin d'être protégés !!!