Grenay, l'biére caude!
par dubois monique le, 14/05/2007Quind i faisot frod, dins gramin d'masons, in buvot del bière caude : in versot del tiote bière (ch'est mi, ch'étot l' Stark del brasserie Brasme) dins un grind verre
et pi, min père i méttot ch'tijon din l' gueulette dech' fu, i haïonnot queques cops , quind ch'bout del' tijon i étot ben rouche , i l'trimpot d'in l'bière , cha moussot , et cha avot eun sintimint particulier...
A nou mason , in buvot un tiot verre , mais in n'avot pas trop querre
ch'qu'in aimot surtout, ch'étot d'intinde l'bruit qu'cha faisot , ed'vire l'mousse grimper tout drot pa- d'zeur ch'verre , et s'répinde su l'toile chirée del table ed' cuisine !
J'cros ben , qu'dins ch'timps-là chés gins i pinsotent qu'ch'étot parel qu'un médicamint et qu'ch'étot bon pou l'santé !