Les jardinsà l'cafétaria
par annie62110 le, 20/05/2007ché vrai que ch'temps aujourd'hui i étot al cour, aussi comme l'cafétaria du cente commercial al étot ouverte in s'est décidés à y aller faire un tour
arrivés su ch'parking in a vu qu'y avot un bus c'qui fait que d'vint nous dins l'file d'attente y avot l'cont'nu du dit bus eune équipe ed foot féminine et chés zacompagnateurs
bon tant bien qu'mal in s'est r'trouvés à tape j'vous dirais pas c'que j'ai mingé, cha vous ravisse pas!!!
et mi j'ai comminché à j'ter m'n'oeil aux alintours
al tape à coté y'avot deux tiots vieux , tout i étot bin disposé su leur plateau y mingeotent calmemint, et in veyot qu'pou v'nir i s'étotent indiminchés, i zétotent biaux comme des sous neufs
plus loin y'avot deux zamoureux, in n'avot pas l'impression qui z'avotent gramint faim rien qu'de s' raviser i z'étotent nourris, ch'etot mignon
aprés y'avot l'famille nombreuse, chés gosses i z'arrétotent pas d' braire de s'battre ed courrir autour d'chés gins, bref des bons tiots!!!
comme la bas ché légumes i sont gratuits, j'ai vu passer des assiettes comme des montanes, in a l'impression qu'i n'a i mingent pour eune semaine, ou alors ch'est l'pub qu'in vot à l'télé in ch'momint "mingez cinq légumes par jour" qui fait s'n'effet
pou finir i avot tell'min d'monte biau temps obliche, que quand in est r'partis chés gins i comminchotent à tourner avec leurs plateaux pou trouver eune plache
ah!!
ouais j'ai oublié d'vous dire avant d'arpartir j'ai mingé eune grosse glache plein d'chantilly!!!!
