l'carette à quiens eune canchon

L'CARETTE A QUIENS (patois plutôt lillo que d'm'in coin)

1 - Bonn'gins qui veyez m'triste mine
Accoutez ch'l'effrayant malheur
Depuis ch'matin in m'assassine,
In tortur' min pauv' petit coeur.
J'avos eun'quienn' app'lée FINETTE
Que j'aimos comm' min prop' infant
All' vient d'êtr' inl'vée pa' l'carrette
Vetiez si ch'n'est point désolant !

Ah, Plaingnez Finette !
All' est dins l'carrette !
Ils m' l'ont collé' chés capons, chés vauriens!
Dins cheull' carrette à quiens

2 - All'sortot justemint de s'cache
Quand ils l'ont pris, ch'est émouvant
Et même avec (e) s'tièt' dins l'liache
I' m' semblot qu'all' criot "Maman"
J'ai eu biau réclamer tout d'suite
Pour réponse, un mécant blanc bec
M'a crié "décampez bien vite ...
Ou j'vous prins dins l'carrette avec " !

Ah, Plaingnez Finette !
All' est dins l'carrette !
Ils m' l'ont collé' chés capons, chés vauriens!
Dins cheull' carrette à quiens

3 - Quand j'allos pou' fair' min p'tit somme
All' manquot jamais d'fair' comm'mi
Je l'aimos bien mieux que m' n' homme,
A11' étot pus fidèl' équ'li !
A l'quinzain' s'i faijot bombance,(faut vous dir' qu'ch'est le roi des grainneux )
S' i' volot m'donner eun' bell' danse
Finette sautot inter nous deux !

Ah, Plaingnez Finette !
All' est dins l'carrette !
Ils m' l'ont collé' chés capons, chés vauriens!
Dins cheull' carrette à quiens


4 - Finette étot sur'mint l'pus sache
Des bièt's equ' j'ai dins min guernier
J'ai quinz' quiens, point davantache
Sans compter ch'ti dins min painnier !
J'les aim'tous et min coeur ed mère
N'sarot point vir' qu'in leur fait d'ma,
Ch'est pour cha que je m'désespère,
Et que j'crie d'puis ch'matin comm'cha !

Ah, Plaingnez Finette !
All' est dins l'carrette !
Ils m' l'ont collé' chés capons, chés vauriens!
Dins cheull' carrette à quiens

5 - Malheureus'mint je n'sus point riche
Mais pour ravoir min p'tit trésor
Ej'donn'ros ben jusqu'à m'quémiche
Car, m'in passer, cha s'rot ma mort !
Mes bonn's gins, pou' ravoir Finette
Cha cout'querre et j'n'ai pon l'moyen
Inter vous, fait's eun' pétit' quête
Et j'vous aim'rai autant qu'min quien !

Ah, Plaingnez Finette !
All' est dins l'carrette !
Ils m' l'ont collé' chés capons, chés vauriens!
Dins cheull' carrette à quiens