Les jardinsleçons de choses les garnoules
par minloute le, 24/06/2005En cours moyen, chéto un rituel, ch' maite i demindo si quéqu un i connaicho un endroit pour aller ramasser des tétards pi les ramener, i n'avo toudis un, dans la classe, chéto pas ch' meilleux mais chéto un traineux d' rues et d' bos, i connaicho ché mares près d' ché terrils et i éto fier d'in ram'ner et d' bin s' faire vire par ech' maite, faut dire que cha li arrivo pas souvint....
Donc in metto ché oeufs ed dans un gros bocal, bocal qui trono soit au coin du bureau d' l'instituteux soit sur eune tappe sur l' coté.
Quand qu on les raviso au début chéto plutot beurk, enfin mi j'a trouvé cha toudis beurk meme en tchiote garnoule, mais là ché que mon avis à mi......
Aprés cha faijo des tétards mais in voyo pas plus loin vu qu'aprés chéto les vagances, question que j'eume posse achteure MAIS QUO QUI IN FAIJO L INSTITUTEUX D CHE TETARDS A LA FIN D L ANNEE J ESPERE QUI LES VIDO PAS DIN L EVIER ......
Aprés dans ché plus grandes classes, enfin mi j'a échappé à cha, mais i n'avo qui devotte ram'ner des garnoules pi leur ouvrir l' vinte, pas pour mi, cha , pasque ché pas pasque j'a pas ker cha que j' va leur faire du maux à ces tchiotes betes là.........
( 1 photos)
