les cadeaux d' clara
par minloute le, 14/07/2007al' nouvelle année j avo toudis m' panoplie d' futur cancéreux
un coffret du qui avo des paquets d' cigarettes, un paquet d' cigares , mais j' vous rassure chéto in chocolat, sans oublir bin seur, l 'pipe et l' briquet in plastique
que j' me faijo ingueuler quand que j' faijo semblant d' finquer avec l' pipe, pasque j' bavo d'dins , cha faijo glouglou ....
aprés plus tard, chéto un tchiot billet, mais un tchiot billet régulier'mint à la fin cha fait quand meme eune somme
Clara ale est décédée en 1995 , mais j' me souviens d un cadeau qu ale m a fait j avais 20 ans
am' la donné mais ale éto pas convaincu que cha alo m' plaire, j' arvois s' n'air presque géné
"j' t a pris cha mais j' sais pas si té va ker cha"
"si cha va pas té peux l'canger"
chéto eune horloche qu ale avo acaté chez gysels
et vraimint cha m a fait plaiji, cha m a fait plaiji pasque quand qu on a s' n horloche, s' n 'horloche à soi , ché un sine d indépendance, in a s' n horloche et pas celle del mason
j' l a armercié
mais j éto sur qu au fond d elle meme , ale etot pas sur d'cha
quand que j a déménagé a lille, in région parisienne, dins m' premiere mason ou achteure, l' premiere chosse que j a accroché ach' mur , chéto l horloche
ché un bio cado cha, pasque , d abord ale s appelle "l'horlochaclara" , que grand mère ale sait que ché sentimental, tiens un coup , j' rinte al' mason am' dit "j a cassé un truc té va pas et' contint" j allo djà l'ver m' main pour li in artourner eune , qu ale précisse , maline, "ché pas t ' n' horloche" alors aprés cha d'vient moins zimportant
in parlant d' cha IN 'N A QUI S SONT INQUIETES D' L'ETAT D'SANTE D'MADAME MINLOUTE, ouais meme si j' les a rassurés par mail, j' precisse que ché nin vrai que j' tappe ed sus, d' abord marie claire ale la vu et ale porto pas d' sequelles, ni d' traces d' coups, nan , ale est trop gentile pour que j' l y tappe ed sus , et pi j' cro qu ale laiss'ro pas faire et qu j in prindro aussi ............