la marmite du diape fin de fin
par minloute le, 15/07/2007mi j' la conno l' marmite du diape, ché inch' momint dinch' gardin, pourtant i est pas 10 heures au matin , mais y a dja eune caleur ! j' su sorti par inad'vertance ej vous jure in boxer dinch' gardin , bin l' voisine d in face qu ale faijo l' tour d un massif d' fleurs avec sin rotofile, bin ale a failli querre in syncope in m' voyant comme cha, tout ch' massif d'rosses ale l a coupé tout in m' ravisant, que succes minloute , que succes cor at' n ache .... mais heureus'mint al' s a arsaisie, cor heureux pour mi j auro été obligé d' li faire l' bouque à bouque et ale pu si jone eq' cha ...........
j a bin travaillé ch' matin j ai cor eune plante a déplacer ch est un hortensia grimpant , ah i essaye d' grimper , in vo qui met tout sin courache mais avec l' caleur , ch' mur du qui essaye d' mette chés crampons i est brulant , donc quand qui fait super caud, ché crampons is' sartirent du mur , comme chi i dijottent ouh la la, là ché trop caud (j'sais ché eune expression qu in dit pas souvint dinch' nord, quand qu in va al' plache, et qu in comminche à tremper un , voire 2 ortiaux dins l io, pi eune mineute aprés in arriffe a supporter l io au niveau des ch'viles....... mais aprés quand qu in est d' dins in est bin , mais y rintrer quand meme)