charlemane et l' moyen ache
par minloute le, 16/07/2007tout comme clovis , in va considérer charlemane comme un grand chef français, pourtant si j' me souvins bin s' capitale chéto aix la chapelle mais ché rin, in est pas a un raccourchi près ....
ah ti charlemane, tes zécoles que t as fondées , oh ti avec eut' barpe blonte fleurie, in t avo pas trop ker quand meme , pasque ché a cause ed ti , qu in a usé nos marronnes su ché bancs d école, cor un fameux raccourchi mais bon ......
aprés ti , pas grand cosse d interessant , ah enfin in arriffe au moyen ache, j' s'rapprocho tel'mint d' nos jeux d infants, des flimes qu in voyo al' télé ou d' thierry la fronte .....
in a tous été chevalier, tous guerroyé, tous attaqué les sarrazins (là j' liso aussi les tchiotes bandes dessinées ivanhoé) ah in lutto cont' l infidèle, in a fait des croisates ......
ah l' construction des cathedrales, cha nous a pas ému, in éto plus interessé par jeanne d arc et surtout d' arpousser hors de la france ché zinglais
in a des flaches comme cha, eustache de st pierre et ses bourgeois in kémiche avec eune corte autour du cou pi les cléfs d' la ville, d'vant ch' roi inglais
pi "père gardez vous a gauche, père gardez vous à droite" à la batale de poitiers, nan pas celle ed charles martel
chéto quand meme eune périote qu in aimo bin étudier in histoire