à vos révisions

ah croyez pas qu' j va vous laisser comme cha sul' bord del route, in continue ch' cahier d' devoirs ed vacances
oh l histoire chéto rigolo aussi, in avo ker intinte parler de pépin le bref et d' berthe aux grands pieds

pi pour arvénir à not' chronologie , saint louis, ah chtilale qui rendo l' justice sous sin chene, et s' mere qu ale s appelo blanche de castille , chéto pas bio comme nom cha
grand homme saint louis, mais i meurt à tunis sous s' tente en arvénant des croisates
jeanne d arc in avo ker mais chéto eune file , nan nous chéto duguesclin qu in préféro , et j' me souviens acht époque là in a vu aux dossiers d' l écran, savez l émission qu in avo peur quand qu in intindo l' musique du début , un flime sur li et bin l' lend'main dins l' cour ed l école loubet i yavo un sacré paquet d' duguesclin

l' mauvais coté des chosses ché qui fallo apprinte ché dates par coeur, date d' la batale d' crécy, date d' la batale d azincourt
ah in éto pas doué nous ché francais cont' ché zinglais, nan faut pas dire cha, cha dure toudis, ché comme au rugby, nous in fonce , quand qu in triche in s' fait armarquer bin ouais in n est pas malin nous, mais ravisez ché inglais, i zi arriffent souvent plus qu' nous bon pas inch' momint , mais quand meme, commint qu on peut perte a crécy et a azincourt, surtout a azincourt , in éto largemint les plus forts, mais ché normal, in a vu ché zinglais in r'pli alors nous in a invoyé ché chevaliers al' bouch'rie, mais l' probleme ché que l' bouch'rie ché eux qui l ont subi

aprés in arrife a louis onsse que drole ed roi chti la , ou plutot nan i éto pas drole, tout laid, mais i a été plus malin qu' charles le téméraire souv'nez vous l entrevue de peronne
sans oublier les fillettes, les geoles du que louis onsse i metto tous ché gins qui lui plaisotent pu

in commincho a n' avoir marre quand meme du moyen ache, et là ché l' périote des grantes découvertes, mi j avo ker cha , gutemberg et l imprim'rie, et surtout ché grands navigateurs, ah christophe colomb in a suivi tes zexploits in les a vécu, ah tout l' monte i savo par coeur l' nom d' tes batio nina pinta santa maria
et in voyo ché bons zommes blancs qui découvrottent des terres inconnues peuplées d' sauvaches, (in nous parlo pas d' l extermination qui a suivi , d' toute façon chéto pour leur bien, nous in am'no l' civilisation...)

aprés chéto francois premier, là in a artenu la rennaissance mais chéto pas amusant , in a surtout artenu d' li 1515 marignan et l' chevayer bayard

aprés les rois qui vont suiffe in les passe plutot sous silence, faut dire que chéto plutot scabreux in n a eune paire qui ont plutot jué au bilboquet qu ' aute cosse .....
mais in arriffe al' saint barthélémy , et surtout surtout, ch ' liffe d histoire i fait eune pause avec henri quat'

ah li in a dro a tout, ralliez vous a min panache blanc, labourache et paturache, la poule au pot, ch' ministe sully et l' méchant ravaillac qui fout tout cha in l air

aprés in nous parle ed richelieu et d' mazarin qui ont bin gouverné la france rap'lez vous du sieche ed la rochelle par richeyeu , mais in les aimo pas trop quand meme

pi louis treisse, vite fait, pi aprés parel stop pour un long momint louis quatorsse, mais normal i a regné longtemps in avo dro a colbert, vauban, fouquet , versales
in passe vite par conte su louis quinsse
et insuite in va nous présenter louis seisse comme un grand mou qui passo sin temps a bricoler des horloches

ensuite la révolution , j' diro al' reflexion , tout c' que j' vous raconte ché s' qu in appreno et aussi s qu' on arteno des lecons d histoires qu in avo a l école loubet jusqu en cm 2
souv'nez vous aussi pour illustrer ché leçons d histoires, ch' maite i sorto des grantes imaches qui coincho dins zin cade , et l' question chéto toudis, quo qu' ché qu' cha arprésinte ah chéto bin cha permetto aussi d' nous interesser à eune matiere qui éto d un coté plutot rébarbatiffe pasqui fallo apprinte des dates par coeur, so des dates ed batales ou des dates ed traités, rapl'ez vous d' chti d' cateau cambresis
mais aussi pour nous ché garchons cha nous faijo aussi réver