L' terri, Jules Mousseron
par Marie-Claire le, 12/08/2007L'terri, poème de Jules Mousseron
Extrait du recueil "Fleurs d'en bas" 1896
Berlin' par berlin', l' terri d' terre
Chaqu' jour prind du tour er d' l'hauteur.
Chaqu' pallé d'ménu comm' chaqu' pierre
Rappelle un effort du mineur.
Parfos c' mancheau lach' dé l' feumière
ou bin des bouffé's d' fort' caleur ...
L' grisou, comme eun' biète dins s' tanière,
I pass' là-d'sous s'dernièr' fureur.
In haut, les tiots cacheux d' gaillettes
s'agit'nt comm' des marionnettes ;
In dirot qu'i vont toucher l' ciel.
Ces gest's, leu' voix qui s'déclaminte,
Rappell'nt mes gins-là d' l'Histoir' sainte
Qui faisottent l'Tour dé Babel !