l'idiot du villache
par annie62110 le, 14/08/2007dins un autre article j'vous ai déja parlé d'POLIKA ch'etot not'grand benet, tout l'journée i l'passot dins chés rues d'Fouquiéres et d'Noyelles sous Lens
i étot connu d'tout l'monte i vivot avec s'soeur et i étot toudis bin propre, i trimballot des épinques su sin béret, quand i étot in colére aprés ti, t'avos pas intérêt à avoir un vélo!!!!
pour minger i a jamais été imbété de s'vie, chez ch'l'èpicier i avot un fruit ou un bout d'fromache, chez ch'boucher i avot sin saucisson et quand i'étot passé chez ch'boulanger avant in i mettot eune tranque ed paté sur sin pain, dins chés bistrots i avot s'limonate, et quand i avot eune féte ed famile i s'invitot i avot ker el tarte, et comme tous chez habitants ch'étot ses mononques et ses matantes i étot sur d'avoir eune chucrate à tout l'monte
j'ai réussi à avoir eune photo par pébé dù qui s'étot aussi invité i adorot s'faire tirer l'portait, i est pas dur à r'connaitre, i est à droite su l'photo ch'étot not'polika, i'est mort l'an dernier à plus de 90 ans !! i a fait partie d'note vie comme si i étot de l'famile
( 1 photos)